EU | ES | EN
Gobierno Vasco

IRUDIA & SOINUA - KORTOAK

Kurtsoaren azken txanpa honetan IRUDIA&SOINUAko ikasleek ORIXE HABITATZEN ariketaren lelopean euren trebezia erakutsi digute ilusioz beterik sortu dituzten KORTO hauek eskainiz. Lan hauek luze eramaten dute baina gure gazteak ez dira beldurtu eta elkarrekin antolatuz filmetxo hauek grabatu eta editatu dituzte, guztientzat ikusgai. Eskerrik asko gazteok, zuen sormenarekin arazo teknikoak gainditzeko horren ausartak izan zaretelako, benetan.

Esteka honetan ikus ditzakezue aipatutako lanak: KORTOAK

MUGIKORRENTZAKO APPak SORTZEN

 

Azken hilabete honetan batxilergoko IKT ikasgaiko ikasleek MIT App Inventor plataforma erabiliz mugikorretako App-ak sortu ditute. AppInventorrek dituen oinarrizko aukerak ikasi ondoren gustoko zuten gai bati buruzko App-a sortzeko aukera izan dute. Ondorengo loturetan ikus ditzakezue talde bakoitzean egindako lanak.

LITERATURA ASTEA

Joan den astean Samaniegon, urtero bezala, liburuaren nazioarteko egunarekin bat eginez, literatura astea ospatu zen irakasle eta ikasleen partaidetzarekin.

Literatura astea Samaniegoko liburutegiaren arduradunak antolatzen du beste irakasleen laguntzarekin. Aste hau ospatzeko ekintza desberdinak egin dituzte; adibidez, Irakurketa maratoia, hau da, hizkuntza ezberdinetako liburu irakurketa. Gure ikastetxea kultura ezberdinetako ikasleez osatuta dagoenez, hizkuntza ezberdinak ezagutzeko aukera dugu liburuen bitartez.

GIPUZKOAKO KLUBEN ARTEKO ATLETISMO TXAPELKETA

 Joan den igandean, apirilak 22, Ordizian, gipuzkoako kluben arteko atletismo txapelketa ospatu zen, eta Orixe institutuko 1. ta 2. DBH-ko ikasle batzuk izan genituen bertan, Tolosako atletismo taldeko beste kideekin. Gipuzkoatik zortzi klubek hartu zuten parte, baina Tolosako klubeko nesken zein mutilen taldeak izan ziren garaile bertan. Horrekin batera erreleboen txapelketa ere ospatu zen, eta bertan neskak podiumaren gorenera igo ziren eta mutilak txapeldunorde azpitxapeldunak izan ziren. ARGAZKIAK IKUSI 

UDABERRIKO MATEMATIKA LEHIAKETA

Apirilaren 21ean DBHko 2. 3. eta 4. mailako sei ikasle hauek Bilbora joan ziren Udaberriko Matematika Lehiaketan parte hartzera.

DBH-1-KO IKASLEAK ZUGARRAMURDIN

Martxoaren 22an 1.mailakoak Zugarramurdira joan ziren sorgin ehizari buruz gehiago jakiteko asmoz. Primeran ibili ziren!    ARGAZKIAK IKUSI

" PI EGUNA" 1.DBHn eta 2.DBHn


Aurreko astean martxoaren 14a izan zen, eta egun horretan “Pi eguna” ospatzen dute askok, data begiratuz 3-14 idazten baitugu eta denok dakigu π zenbakiaren hurbilketa bi hamartar erabiliz 3,14 dela.

V. Kultur astea: Josu Iztueta 3. DBH-ko ikasleekin

Kultur Astea dela Josu Iztueta etorri da Orixe Institutura. DBH 3ko ikasleei bere bizitzan bizi izan dituen abenturak azaltzera; argazkien bidez azaldu du. 16 urterekin hasi zen bidaiatzen eta oraindik jarraitu egiten du. Egindako bidaien nondik norakoak azaltzeaz gain, bidaia horien filosofia ere azpimarratu nahi izan ditu.

Udaberriko Matematika Lehiaketa

Aurten ere gure ikastetxeak Udaberriko Matematika Lehiaketan (maila guztiek parte hartzeko aukera dute) eta Eduardo Chillida Olinpiada Matematikoan (DBH 2.mailako ikasleentzat) parte hartuko du.

© ORIXE BHI
Telefonoa: 943651387 | Telefonoa: 943652494 | Fax: 943651340 | 012980aa@hezkuntza.net