EUSKARAREN EGUNA 2019

Abenduaren 3an Euskararen Eguna ospatzeko hainbat ekintza antolatu ziren ikastetxean: Zinea , herri kirolak, musika eta dantza emanaldiak, karaokea, #Hitzolariak lehiaketa e.a. Bideo honetan ikus dezakezue ikasleek eskaini ziguten dantza emanaldi zoragarriaren laburpena.

ORIXE-KO GURASO BATEN ESKER ONEKO IDATZIA

2019ko azaroaren 8an, Donostiako TABAKALERA gunean, URRETXINDORRA programaren aurkezpen ekitaldia izan zen. Programa hau SOS ARRAZAKERIA elkarteak sustatzen du, eta berari esker atzerritik etorri berria den haur edo gaztetxo bat, eta unibertsitatean edo Lanbide Heziketaren Goi Mailako ziklo batean matrikulatuta dagoen ikasle bat elkartzen dira, ikasturtean zehar astean behin bizpahiru orduz aisialdiko ekintzak batera egin ditzaten. Orixe institutua bigarren aldiz parte hartzen ari da programa honetan. Joan den ikasturtean bi ikasle aritu ziren, eta ikasturte honetan 3 gaztetxo animatu dira. 18/19 ikasturteko esperientzia oso positiboa izan zen, zeren atzerritik etorritako gaztetxoei Tolosaldea eta Donostiako hainbat toki eta zerbitzu ezagutzeko aukera eman zaie, eta hemengo gizartean, kulturan eta hizkuntzan murgiltzeko bidea erraztu zaie. Tabakalerako aurkezpenera Orixetik joandako bi irakasleok oso sorpresa polita izan genuen, zeren aldez aurretik guk ezer jakin gabe, hiru ikasleen gurasoetako batek mikrofonora joan eta ondorengo idatzia irakurri zuen, IRAKURTZEN JARRAITU

BATXILERGOKO IKASLEAK IRUÑA-VELEIAKO AZTARNATEGIAN

Azaroaren 20an BATXI.II-ko Geografiako eta Latineko ikasleek irteera egin zuten Iruña-Veleiako aztarnategia ezagutzera. Hasieran Gasteizko Alde Zaharrean ariketa bat egin zuten oinplanoa aztertuz; ondoren Arkeologiako Museoa bisitatu genuen, eta azkenik, Iruña-Veleiako aztarnategira abiatu ginen. Bisita gidatuaren ondoren denbora izan genuen Mendozako Dorretxea, kanpotik behinik behin,ikusteko. Oso ondo atera zen dena. IKUSI ARGAZKIAK.

DBH1ko IKASLEAK BERTIZen

DBH-1ko ikasleak Bertiz-en (Nafarroa) egon ziren Urriak 7,8 eta 9an. Bertan ekintza desberdinetan parte hartu zuten aterpetxeko begiraleen eta ikastetxetik joan ziren irakasleen laguntzarekin. Ekintza honetako argazkiak ikusteko klikatu HEMEN

JolasMATIKA proiektua martxan!

Azaroaren 21an 4. DBH-ko IKT ikasgaiko ikasleek JolasMATIKA proiektuari hasiera eman zioten. Lehen fase honetan ikasleak Donostiako informatika fakultatera joan ziren eta Zarautzko Lizardi BHI-ko ikasleekin batera  4 unitate didaktiko landu zituzten: adierazpide bitarra, konputagailuen egitura, algoritmoak eta programazioa.  Guzti hau lantzeko Informatika gradua ikasten ari diren ikasleen azalpenak jaso zituzten, horretarako Informatika Fakultatean sortu dituzten materiaL osagarriak erabiliz.. ARGAZKIAK IKUSI

Gailu digitalak eskuratzeko diru-laguntzarako deialdia

Hezkuntza departametuak gailu digitalak eskuratzeko dirulaguntzetarako deia egiten duen agindua argitaratu du irailaren 25ean. Informazio guztia irakurtzeko klikatu HEMEN.

Hizkuntzak ikasteko dirulaguntza

Atzerrian udan hizkuntzak ikasteko dirulaguntza deialdia atera da. DBH3, DBH4 eta Batxilergoetako ikasleei zuzendua dago eta bekadunak ez diren ikasleek ere jaso ahal izango dituzte baldin eta espediente akademiko altua badute. Hemen informazio gehiago: https://www.euskadi.eus/diru_laguntza/2019/hizkuntza-atzerri/web01-tramite/eu/

Enbaxadore Eskola

Aurten DBH4ko ikasleekin landu den Enbaxadore Eskola programa bukatu da eta egin beharreko txostena burutu ondoren Europako Parlamentuaren Enbaxadore Eskola saria/diploma jaso dugu. Programaren helburua Europar Batasunak gaur egun duen papera eta garrantzia ikasleen artean jakinaraztea izan da eta horrekin batera Europar Batasunaren batzordeak funtzionatzeko era ezagutzea. Proiektua Ingelera, Gizarte, Erlijio, Etika eta Filosofia ikasgaitik landu da eta Joserra Zalakain, koordinatzaile gisa, Paulo Manterola, Aida Tejedor, Izaro Tolosa eta Mercedes Gonzalez izan dira partehartzaileak . Ekainaren 21ean, Joserra Zalakain-ek Madrilen jaso zuen saria Europako Parlamentuaren ordezkarien eskutik.

Agenda 21 eguna

Ekainaren 17an DBH3 eta DBH4 ikasleek Agenda 21 eguna ospatu dute. Aurtengo ikasturteko gaia "lurzorua" izan da. Goizean zehar "zain dezagun lurzorua" lelopean lehiaketatxo bat ospatu da eta mezurik esanguratsuenak saria jaso du. Hona hemen saria lortu duten bertsoak (egileak, Maialen Ugalde, Nere Jauregi eta Izaro Azpiroz).

 

Bestalde ginkana bat ere antolatu da, froga ezberdinak osatu ondoren eta zabor bilketa kopururik handiena bildu ondoren 3C taldeko ikasleak izan dira saridunak.

 

 

LATINEKO IKASLEEN PROIEKTUAK

 2018-19 ikasturte bukaeran Batxi I-eko Latineko ikasleek proiektu hauek burutu dituzte ikasturte osoko edukian oinarrituta:

  • Tesaurus ubi est? : altxorraren bilaketa erromatar inperioatik zehar.
  • Monopolis latinus: Latin hizkuntzan eta erromatar ondarean oinarritutako monopoli jokua.
  • Domus ludus: erromatar etxea oinarri duen mahai-jokua.
  • Orixeto latinus: Batxi. I-eko ikasgaia oinarri digitalean aurkeztua.
  • Ocae ludus: antzarraren jokua.
  • Pandoraren gunea: Mitologia klasikoan oinarritutako kaxa magikoa

ARGAZKIAK IKUSI

ORIXETO LATINUS IKUSI